October 1, 2011

Bakit pa?


Bakit pa?

Sa unang pagkikita, nadama’y iba na
Sa pagtatama ng ating mga mata.
Paghanga’y umusbong sa aking pusong napatanga.
Sa kagwapuhan mong taglay
At busilak na kaloobang sadyang tunay
Ako’y lalo pang na-inlove, hay buhay!

Sa isang tudyo ng tadhana
Tayo’y pinaglapit di’ man tagna.
Sa udyok ng damdamin
‘pag wala sa akin ang tingin
Ako sayo’y nakatitig ng taimtim.

Kung bakit ba naman kasi,
Iba ang iyong pintakasi?
Gayung narito naman ako, di man seksi.

Sa takot na ika’y tuluyang mawala
Pinagpasyahang magtapat na
Subalit dili yata’t mali ang sapantaha
Tungkol sa ugali yaring kahalihalina.

Liham na pinaghirapang isatitik
Sa aking harapan ay pinunit.
“Ako’y may ibang ibig,” ani mo,
Na siyang ikinadurog nitong puso ko.

Ang puso kong gutay
Hayun at kailangan na yatang ilamay…
Bakit pa kasi umasa…
Ang isang tulad kong di naman pala papasa.


4 comments:

  1. maganda ang tula....ito siguro ang dahilan sa sinasabi mong naranasan mo sa sinulat kong Isang Linggong Pag ibig..

    ReplyDelete
  2. Actually nope kuya, this is an 8 years unrequited love... yay!

    ReplyDelete